Shalawat Pilihan Setelah Selesai Pengajian (Bahasa Aceh)

SHALAWAT SELESAI PENGAJIAN

(Irama Dayah Mudi Samalanga)

Ya Allah diateuh Nabi Muhammad

Neutamah rahmat dan salam

Diateuh wareh bandum sahabat

Serta bandum ummat islam

Neubri keu kamoe iman beuteutap

Dalam ibadat Allah ya Tuhan

Neubri keu kamoe beuroh lam ta’at

Neubri seulamat iman lam badan

Neubri beu matee kamoe lam rahmat

Malam Jum’at buleun Ramadhan

Neubri jeut rateb oh wate seukreut
Lam kubu beu jeut neubri jawaban

Deungon beureukat nazam seulaweut

Beujroh i’tikeut lam dinul islam

Neubri beuleupah kamoe bak titi

Beusajan Nabi janjongan alam

Neubri kamoe jeb ie kulam Nabi

Neubuka kunci pintoe syuruga

Syuruga lapan neubuka kuunci

Keu ummat nabi yang tem sembahyang

Dalam-dalam syuruga na mon hayati

Budiadari manoe-manoe di dalam

Ban dihayak ok sampoe oh gaki

Ban digasyuk ie syam syum bam bum ban geundram